2025 оны 02 дугаар сарын 17-18-ны өдрүүдэд орон нутагт үйл ажиллагаа явуулж буй барилга угсралт, цахилгаан хангамж, жижиг дунд бизнес эрхлэгч, ус дулааны чиглэлээр үйл ажиллагаа явуулж буй 10 гаруй компаниудад Төсвийн ерөнхийлөн захирагчийн 2025 оны Худалдан авах ажиллагааны төлөвлөгөөнд тусгасан нийт төсөл арга хэмжээний талаар танилцуулж, Сангийн сайдын баталсан А/255 дугаар “Тендер үнэлэх, давуу эрх олгох аргачлал, заавар”-ын дагуу хэрхэн тендер шалгаруулалтад оролцох талаар арга зүйн зөвлөгөө өгч ажилласан. Тус компаниудын сүүлийн 3 жилийн үйл ажиллагааны чадавхи, ерөнхий танилцуулгын талаар санал солилцож мэдээлэл авсан.
